فوزى وفوزية(رؤية لزواج ), ياترى إيه حكايتهم؟؟؟؟

الحلقة الثانية والثلاثين

طفلة مذعورة..!!

كانت أجمل دار...

تتجلد كيما تصمد فى وجه الشارى ..

.لكن قسمات الأنس بها ماتت ..

لا دار من غير جدار..

أنتى أتجننتى أكيييييييييد

أنطلقت تلك الجملة كالرصاصة فى أذنى بالصوت الحيانى من حلق والدتى العزيزة وبكل تماسك وكبرياء رددت عليها

يا مامتى أصل هو الحكاية أنى ...يعنى ...مش هو جوزى برضه

جوز مين يا ام جوز!! جوز جزم على نافوخك خلااااص اترميتى متقول حاجة يا ابو فوزية

وكعادته أبى الحكيم كان هادئا جدا ورد بكل بساطة وقال

كويس ان البنت صارحتنا يا ام فافى كان ممكن متقولناش تعالى يا حبيبة أبوكى احكى لى قعدتو فين وقلتو اييييييه؟؟

فقفزت الى جانبه وكلى حبور بصداقة والدى التى تنقذنى من أعتى المآزق العائلية وأنتظرت حتى هدأت أمى وحكيت لهم كل شىء

دخلت غرفتى بعد
نظرات غامضة تبادلاها والدىّ ولم يعلقا على حرف وما أن دلفت لغرفتى حتى
وجدت سيلا جارفا من الأفكار والمشاعر يغرقنى ويحيل هدوء غرفتى لصخب عالى
أعجز معه عن التفكير فى أى شىء

أنسابت كلماته الأخيرة لى مدوية لكأنى أفهمها لأول مرة

اقتباس:

زى
ما انتى شايفة انا الوقتى بركب مواصلات عامة عشان المبلغ اللى بيتبقالى من
المرتب يكفينى مواصلات بس وحتى امى بتصرف على اكلنا وشربنا من معاش والدى
حتى دهبها كله باعته ..
الوقتى دورى أسألك يا فافى هتستحملى تبدأى معايا من الصفر
أنا ممكن أبيع الشقة بتاعتنا اللى
كنا هنتجوز فيها وأجيب من تمنها شقة فى حى متواضع عشان اعرف افرش بباقى
تمن الشقة بس برضه كل ده مش هينفع قبل سنة كاملة اكون سددت فيها ديونى
عشان على الأقل نعرف نعيش بمرتبى!!
ولو انتى يا فافى وافقتى هل باباكى ومامتك هيرضولك ده

أنقبض
قلبى وأضطربت معه حق أنا لم أفكر يوما فى هذا لم أتصور حتى أن أوضع فى هذا
الأختبار لطالما أعطتنى الحياة الكثير واليوم أجد أن أشد ما أحبه فيها
محاط بعوائق لم أختبر أحتمالى فيها من قبل!!

وجدتنى أشعر كطفلة تعرضت للضياع ماذا ستفعل ان هى ضاعت وأختبأت بين صناديق القمامة خوفا من بطش الحياة !!!

وجدتها!!!!!

ستبحث عن والديها!!

حتى فوزى لن يعارض !!

خرجت من غرفتى كمن عثرت على فكرة تساوى مليون جنيه وذهبت لوالدى وطرقت الباب

أستقبلانى بنظرات حذرة (خييير )

فبادرت أبى قائلة

يا بابا متساعده ؟؟

يعنى أيه يا فافى

يعنى يا بابا أنا عايزاه وفى نفس الوقت خايفة من البهدلة متساعدنا فى البداية

أيه نوع المساعدة ؟؟

معرفش يا بابا حضرتك أسأله وشوف

ألطم يا أخوااااتى

يا بت عايزاه يتجوزك ببلااااااااش

يا ماما فوزى كان كريم معايا جدا وشارينى وهو الوقتى محتاج اللى يقف جمبه

يا ختى اللى معهوش ميلزموش عايزة أبوكى اللى يفتحله البيت

طب وبعدين هيأكلك أنتى وهو

ولا هتنزلى تشتغلى وتساعدى المحروس!!

ليه لا !!

قلتها وأنا شاردة وتدخل أبى فى الحوار وقال

يا بنتى فوزى رغم كل شىء راجل وممكن جدا يرفض مساعدتى وتعمل عنده حساسية وهرش وبدل ما نبقى قصدنا خير يفهمها هو على انها شر واهانة

خلاص يبقا فعلا أشتغل وأساعده

عوض عليا عوض الصابرين يارب بكريتى وأول ما رأت عينى طلعت هبلة

يا بت أنتى
تعرفى بكرة فى أيه ليه تختارى الشقا لنفسك الشغل ده مرمطة وكمان ممكن ربنا
يعطيكى وتحملى وبدل ما تركزى على صحتك هتنزلى تبهدلى نفسك فى الشغل عشان
ملاليم تساعدى بيها جنابه يا قلبى لا تحزن على خيبة بنتى القوية

متقول حاجة يا ابو فوزية

يااااااااادى أبو فوزية سيبينى فى حالى بحاول أفكر أقلكو تصبحو على خير الصباح رباح

وشد والدى الغطاء على رأسه وخرجت من غرفتهم شبه مخذولة لا أعرف نتيجة عرضى ولا أدرى كيف أفكر!!

بقيت ففى الفراش ساعة كاملة عاجزة عن النوم كعجزى عن أتخاذ أهم قرارات حياتى

وجدت أمى تفتح الباب لتلقى نظرة علىّ وحين وجدتنى مستيقظة أقتربت منى وهمست ببضع كلمات

أبقتنى مستيقظة حتى الفجر

أسمعى كلاامى يا بنتى

لو دخل الفقر من الباب

خرج الحب من الشباك..

كبير مشرفين عدد المساهمات : 3204

» رؤية الاخوان للأحداث:بين العقيدة والسياسة:*
» حالك مع ربنا "ايه ياترى"؟