سلفنى 3 جنية

الي كل المنتظرين في حكم فودافون
مين فينا بئه لما بيخلص رصيده بيقرر إنه يستلف 3 جنيه من الشركه
أكيد كتير مننا
طيب عارفين الشركه بتدينا كام ؟؟
بتدينا 2 جنيه ونص
وبتدفعها 3 جنيه
طيب ياجماعه دلوقتي الحكايه دي تعتبر داخله في الربا ولا لأ ؟؟
طيب دلوقتي احنا ندخل تحت طائله المتعاملون بالربا
قال رسول الله صلى الله عليه وسلم ( لعن الله آكل الربا وموكله وشاهديه وكاتبه)
رواه أحمد وأبو داود والترمذي والنسائي وابن ماجة
•••••••••••••• :: Ƹ̵̡Ӝ̵̨̄Ʒ :: •••••••••••••
بسم الله الرحمن الرحيم
اللهم صل وسلم وبارك علي سيدنا محمد وآله وسلم
ده إن شاء الله الرد النهائي لهذا الموضوع نفعنا الله بما نقول وبما نقرأ وبما نسمع
قبل اي حاجه ياجماعه أحب أوجه ليكو إن هذه فتوي من كذا عالم وشيخ من علمائنا
وشيوخنا الكرام حفظهم الله تعالي
لما سألنا العلماء .... في حكم اني استلف 2جنيه ونص من فودافون
وأدفعها 3 جنيه ايه حكمها قالو بالإجماع ان لها حكمان
اول حكم : وهي شبهه ربا
ثاني حكم : انها ربا محض اي ربا حقيقي واقع ياجماعه
وهانشرح ده كله إن شاء الله تعالي
لكن قبل كل ده عاوزك تعرف انت وهي انها مستوحاه من فكره القرض
ولماذا حرم الشرع القرض .. لأنه يعطي مهله يستغل فيها حاجه الناس
بمعني اني هاسلفك حاجه ولما يبئه معاك فلوس هاخد مثلا الحاجه اللي اديتهالك
زائد ايه ؟؟ زائد حساب الوقت ده يعني ازود عليك فلوس
•••••••••••••• :: Ƹ̵̡Ӝ̵̨̄Ʒ :: •••••••••••••
اولا : لما سميت شبهه في ربا ؟؟
لأن بعض العلماء يقولون انها من ربا والبعض يقولون لا تعتبر ربا
فهنا تولد شبهه مابين القولين
ورسول الله صلي الله عليه وسلم قال في حديثه الصحيح
دع مايريبك الي مالايريبك
يعني ايه ...؟ يعني ابعد عن اي حاجه فيها شبهه
إمتي تكون هي شبهه في الوقوع في الربا ؟؟
لما تكون في حالة الضروره يعني ايه ضروره ...؟
يعني لو انا مااتصلتش في الوقت ده هايحصل ليا حاجه في النفس او المال
او او او يعني دلوقتي في حالة الضروره القصوي يبئه لو استلفت هاتكون شبهه في ربا
•••••••••••••• :: Ƹ̵̡Ӝ̵̨̄Ʒ :: •••••••••••••
اما الحكم التاني : وهي أن تكون ربا محض اي ربا حقيقي ياجماعه
لو كان إني استلفت في حالة عدم الضروره
يبئه انا دلوقتي وقعت في الربا الفاحش والعياذ بالله
فهنا ياجماعه الشركه بتتعامل بالقرض المحرم شرعا
وماتقيسش ده علي مصاريف الشحن علي الكارت
اي محل بيبيع الكارت مثلا ب10 ونص بدلا من 10
دي اسمها تجاره .. لكن الشركه هي اساسا يعني بتديك ال3 جنيه هي 3 جنيه دقايق لو موش هاتستلف ,, نيجي لما نستلف تزود ليه نص جنيه
دي زي مثال مثلا واحد صاحبك فاتح مكتب اتصالات انت رايح تشتري منه كارت ب10 جنيه وهو بيبيعه ب10 ونص بس انت موش معاك فلوس هو قال لك انا هاديك دلوقتي الكارت ولما يبئه معاك فلوس حاخد منك 11 جنيه
يبئه ده اسمه ربا ياجماعه .. والشركه دلوقتي بتتعامل بالحكايه دي
•••••••••••••• :: Ƹ̵̡Ӝ̵̨̄Ʒ :: •••••••••••••
فيه فرق بين البيع ,,,, وبين الربا

ولا اجد نهاية للموضوع غير الاية الجميلة
قال الله تعالي
وأحل الله البيع وحرم الربا
صدق الله العظيم

شـكــ وبارك الله فيك ـــرا لك ... لك مني أجمل تحية

مسلم ( مشرف ) عدد المساهمات : 68

بالأردن ما في شركة بتداين ولا حتى جنيه واحد

هيك أريح لراسنا

الله يجزيكم الخير

جزاكم الله خيرا

الموضوع جميل

والرؤيه الشرعيه المكتوبه هى الاسلم والابعد عن الشبهه

ولكن يوجد آراء اخرى
ولكن جزاك الله خيرا

موضوع رائع*** Like a Star @ heaven

وكل عام وانت بخير

ربنا يبارك ف حضرتك يا أستاذ كريم

كبير مشرفين عدد المساهمات : 3204

شكرا على الموضوع