* خطه عمليه *

بصوا يا جماعه بأه رمضان خلاص خلاص بجد على الابواب طبعا كلنا قولنا هنستعد له

فالمفروض نكون عملنا لغايه دلوقتى و اللي معملش يعمل يلا بأه مستنين ايه:

1-التوبة(استغفار يتبعه اعمال صالحه)
2-الاكثار من الطاعات(صلاه و صيام و قيام و قرآن و دعاء و اذكار...)

طيب حان بأه الوقت لأيه؟؟؟؟

نقرر احنا عايزين ايه من رمضان السنه ديه عايزين نتغير بجد و لا نخليه يعدي زيي كل سنه لازم نعرف فضل هذا الشهر الكريم و الله ديه فرصه متتعوضش

و انا سمعت درس للاستاذ عمرو خالد حقا رائع و ارجو ان تستمعوا اليه :

كيف نستعد لشهر رمضان الكريم ؟
http://www.amrkhaled.net/sound_libaray/multimedia240.html

بجد و الله مش هتندموا و هحاول اقولكوا انا استفد منه ايه طبعا بجد استفد منه كله بس ايه النقط اللي مفروض نمشي عليها ده هو اللي انا هقولهولكم باذن الله

بصوا هو اتكلم عن:
1-متى فرض صيام رمضان؟
2-يعنى ايه صيام؟
3-فضل شهر رمضان الكريم؟ و قايل ايات قرآنيه و احاديث عن نبينا و حبيبنا محمد (صلى الله عليه و سلم)

و عشان كده لازم تسمعوه يا جماعه عشان تعرفوا قيمه الشهر ده بجد

4-الصيام 3 درجات: صيام العوام و صيام الخواص و صيام خواص الخواص و هتفهموا اكتر اما تسمعوه

و اقدر اقولكوا باختصار ان

صيام العوام:هو صيام البطن و الفرج و ده مجرد اسقاط للفريضه

اما صيام الخواص:هو صيام الجوارح اي طول الشهر و طول اليوم
حتى لو بطنى فطرت
فأنا جوارحى(عينى_ايدي_لسانى) صائمه
وده بأه اللي بيجيب التقوى

اما صيام خواص الخواص:هو ان قلبي يكون صايم عن كل حاجه غير ربنا (سبحانه
وتعالى) انا وقف لله قلبي متعلق بيه ....

و احنا لازم نقرراحنا هنصوم السنه ديه ازاي هنكون انهى درجه منهم بجد اعد مع نفسك و قرر انت نفسك ف ايه و اعملوا تعالوا السنه ديه نحاول نصوم صيام الخواص يلا حاوووووووووول على قد ما تقدر

5-البرنامج العملى بأه::

اكتب ورقه كده ايه اهدافك ف رمضان و شوفها كل يوم و حاوووووووووول تحقق كل مافيها

مثلا:
اكتب كده:

1- انا و الصلاة:فرائض-نوافل 12 ركعه سنه مؤكده-التراويح
-التهجد)

2-انا و القرآن:هتختم كام مره شوف على قد مقدرتك Smile

3- انا و الصدقه:وطبعا الصدقه ديه بأه كل واحد و مقدرته

4-انا و التراويح

5-انا و صله الارحام:ليله رمضان طلع ارقام العيله كلهم
و كلمهم

6-انا و الدعوة الى الله:قرايبك -صحابك -جيرانك اللي تقدر عليه

7-انا و الدعاء:رتب دعواتك و ادعي طوال الشهر ابدأ بنفسك و بعدين اسرتك و بعدين اصحابك و بعدين المسلمين جميعا

و ياريت تدعولى انا كمان Smile

بس كده و ياريت اكون قدرت افيدكوا و جزاكم الله كل خير

يلا بأه كل واحد يعد مع نفسه و يتخيل هوه هيعمل ايه ف رمضان و نفسه ف ايه و يكتب اهدافه و كل يوم يشوفها عشان مننساش حاجه ابدا...

و مستنيه اعرف رأيكم و بجد هتعملوا ايه؟؟؟؟؟؟؟؟؟؟؟؟؟

____
___

منقوووووووول من جروب خطوة الالتزام لصاحبة الموضوع

Shrouk Shaker

ربنا يكرمك يا الاء على هذا النقل
وربنا يعنا جميعا ان شاء الله على الطاعات ويرزقنا حسن عبادته