* جدول رمضان اليومي *

السلام عليكم ورحمة الله وبركاته

من أبسط الجداول اللي ممكن تلاقيها بس المهم انك تحاول انك تمشي عليه الجدول طبعا" مش فرض لو عندك جدول فيه طاعات أكتر من كده و انت واثق انك قادر تعملها يبقى ربنا يزيدك بس الجدول ده مبسط للشباب والبنات اللي مش متعودين انهم يمشوا على جداول او مش متعودين على تنظيم الطاعات بالطريقه دي

انا حكتب الطاعات المطلوب انك تحطها ف الجدول مع الشرح وبعدين حضرتك حتعمل الجدول لنفسك و تقسمه لخانات و تحط الطاعات فيه و أحسن حاجه انك تعلقه في مكان ظاهر ليك عشان متنساش و عشان تفتكر دايما" انت وراك ايه

الجدول حيبقى عباره عن 5 خانات

الصلوات الخمسه _ 100 ذكر _ جزء قراّن _ ركعتين قيام و توصف نفسك باييه النهارده

_____

1_* الصلوات الخمسه *

أهم حاجه اننا نحافظ على الصلوات الخمسه من الفجر للعشاء و يبقى أحلى لو صليتهم في أوقاتهم يعني أوّل ما الأذان يأذن
و يا سلام لو انت ولد و نزلت تصلي في المسجد يبقى بجد الله عليك , خليك جدع و
انزل صلي في المسجد حتحس بقربك من ربنا اوي
______

2 _ * 100 ذكر *

حطلب منك طلب وده طبعا" مش عشاني ده عشان حضرتك , لو معندكش
سبحه 100 انزل هات واحده النهارده و لو مش بتحب السبح سبح على ايديك مش دي القضيه القضيه انك تسبح كل يوم 100 تسبيحه حتقوللي طب ايه الذكر اللي حقوله ؟؟
حقولك , اي ذكر انت عايزه اختار كل يوم ذكر و اذكره 100 مره زي مثلا" _

صلاه على النبي _ سبحان الله وبحمده _ لا اله الا الله _ استغفر الله _الله أكبر _ او لا حول ولا قوة الا بالله

_____

3_ * جزء قراّن *

بص حضرتك انا عارفه ان دي صعبه شويه على الشباب بس لو انت عايز تختم لقراّن ف رمضان مره واحده يبقى لازم تقرأ كل يوم جزء على الأقل , خلي همتك عاليه و اقرأ كل يوم جزء ونص عشان لو ف يوم حصل حاجه و مقدرتش تقرأ تبقى معوض , انا حسيبلك الحته دي أقرأ اللي انت عايزه و بالطريقه اللي انت عايزها بس اوعى تنسى الهدف الأساسي وهو انك تختم القراّن في رمضان مره , نصيحتي الأخيره ليك في الموضوع ده انك تخلي همتك عاليه و تقرأ كل يوم جزء وشويه كده حتبقى تمام و ان شاء الله حتختمه على نهاية الشهر

_______

4_ * ركعتين قيام *

معتقدش ان في حاجه أسهل من انك تصلي ركعتين بنية انهم قيام ليل و ده طبعا" قبل الفجر و ده غير التراويح مش حتاخد من وقتك دقيقتين

سهله دي صح ؟؟

خليك جامد و حافظ عليها ف رمضان

______

5_ * توصف نفسك باييه النهارده *

وده بقى عباره عن تقييم لنفسك , انت شايف نفسك ازاي النهارده و حتكتب ف الخانه دي جمله من الجمل دي

جامد _ بكره حبقى أحسن
_ حنام و انا مرتاح _ زعلان من نفسي

و جامد معناها انك النهارده عملت اللي عليك و انك مبسوط من نفسك النهارده و حاسس انك عملت انجاز

بكره حبقى أحسن معناها انك النهارده كويس بس عندك نيه انك بكره حتعمل اكتر من كده

حنام و انا مرتاح معناها انك حاسس انك النهارده ربنا راضي عنك و انك انت كمان راضي عن نفسك

زعلان من نفسي معناها انك النهارده قصرت و معملتش اللي كان المفروض انك تعمله و ندمان على ده

قدّر لنفسك حالتك كل يوم و اكيد انت ادرى بنفسك و باللي عملته بس حاول انك تكون كل يوم أجمد من اليوم اللي قبله

___

اّسفه على الاطاله

اتمنى ان لو حتى شخص واحد يستفيد من الجدول ده

حاولت على قد ما أقدر اني أبسط الجدول بحيث اننا نئدر نمشي عليه طول الشهر

رمضان كريم عليكوا وعلينا

و تقبل الله طاعتكم

فعلا موضوع جميل جدا ويارب كل اللى فى المنتدى وانا اولهم نعمل الحاجات ديه فى رمضان

شكرا" يا أستاذ كريم على مشاركة حضرتك

ربنا يبارك فيك

_________
______
__
-

جزاكِ الله كل خير يا الاء
الجدول بجد جميل جدا
وربنا يعنا جميعا

مسلم ( مشرف ) عدد المساهمات : 68

الله يجزيك الخير

اقتباس :

جزاكِ الله كل خير يا الاء
الجدول بجد جميل جدا
وربنا يعنا جميعا

و جزاكي يا هبه

و اللهم اّمين


<table cellSpacing=0 cellPadding=0 width="100%" border=0><tr><td class=hr colSpan=2> </TD></TR> <tr><td colSpan=2> اقتباس : الله يجزيك الخير </TD></TR></TABLE> و جزاكي ان شاء الله

» سجل حضورك اليومي بذكر التسبيحات الأربع
» ابدأ عملك اليومي بذكر الله
» جدول امتحانات 3 اعدادى ..
» * حنتغير ف رمضان *
» جدول مباريات كاس الامم الافريقية التى ستقام بانجولا خلال الفترة من 10 يناير الى 31 يناير 2010