* حنتغير ف رمضان *

بسم الله والصلاة والسلام على رسول الله صلى الله عليه وسلم

..اللهم بلغنا رمضان ووفقنا لصيامه وقيامه كما تحب وترضا
اول يوم فى رمضان نزلت اصلى فى الجامع عشان احنا فى رمضان ياااااه المسجد تغير اوى من اخر مرة كنت فيه وانا قاعد مستنى قيام الصلاة قلت افتح المصحف اقراء شوية دا احنا فى رمضان بقالى اوى ما فتحتش المصحف انا حاسس انه بيقولى فينك من زمان دا من اخر يوم فى رمضان الى فات وانت ما جتيش جنبى نزلت الشغل وماشى فى شارع بحاول اغض بصرى على قد ما اقدر الواحد صايم ..كتير مننا يا جماعة كدا صح ولالا وانا اولكم صلاة فى المسجد فى مضان قراءة قران فى رمضان وغض البصر فى رمضان احنا يا جماعة بنعبد الله ولا بنعبد رمضان ليه قبل الفطار بنكون حاجة وبعد الفطار بنقلب هو الصيام بس فى النهار هل احنا راضين عن رمضان الى فات وهل احنا كنا بعد رمضان زى ما كنا فى رمضان هو احنا عاوزين ايه من رمضان طبعا عاوزين الرحمة والمغفرة والعتق من النار وقال صلى الله عليه وسلم خاب وخسر.خاب وخسر .خاب وخسر قالوا من يارسول الله قال: من ادرك رمضان ولم يوغفر له وفى رمضانات كتيرة عددت علينا والله اعلم اذا كان اتغفرلنا فيها ولا لا بس بنحسن الظن فى ربنا
المهم..مش عاوزين اول عشر ايام فى رمضان صلاة .قران . ذكر ونقطع نفسنا لا واحدة واحدة عشان تتحول العبادات الى عادات دا الى احنا عاوزينه بعد رمضان مش نصلى بس فى رمضان مش عاوزين نعمل كل حاجة صح بس فى رمضان عشان ننتعود بعد رمضان نعمل الى كنا بنعمله فى رمضان وتبقئ عادة عندنا
كل و احد مننا يحدد هو عاوز يعمل ايه فى رمضان وشوف انت عاوز يومك يبقئ عامل ازاى وتيقئ راضى عن نفسك فيه وتحس انك عملت حاجة من غير مل تحمل نفسك اكثر من طاقتها
ياشباب عاوزين صلى فى المسجد على قد مانقدر ويابنات صلوا اول ما تسمعوا الاذان وياشباب حافظوا على صيامكوا من عينكوا فيل وبعد الفطار فاهمين قصدى؟ وكل يوم نحدد اذكار مثلا انى حذكر ربنا النهر ده 100 مرة متقسمة على اليوم سبحان الله 30 مرة لااله الا الله 30 مرة وكدا عشان بعد رمضان يبقئ ذكر عندنا دا عادة وكذلك صلاة فى المسجد مش عاوين البرامج والمسلسلات يبوظوا علينا رمضان عشان فى الاخر نقئ بنعمل حكمة الله فى صيام ....لعلكم تتقون
ومن احد معانى التقوى ..ان يراك الله حيث امرك ولا يراك حيث نهاك شوف انت فى رمضان ربنا بيحب يشوفك فين وما بيحبش يشوفك فين وبعد رمضان حتتعود على كدا
ياجماعة عاوزين رمضان دا ان شاء الله يكون تغير فى حياتنا للاحسن والله اعلم اذا كان فى رمضان تانى فى حياتنا ولالا
بعتتذر لو طولت وربنا يرضنا عنا ويبلغنا رمضان
وصلى اللهم على محمد والحمد لله رب العالمين
______
___

منقووووول للافاده من جروب خطوة الالتزام لصاحب الموضوع
Karim Hassan

جزاكِ الله كل خير يا الاء على هذا الموضوع
وبالفعل نحتاج الى ان يكون رمضان هو بداية جديدة لكل واحد منا وان نستمر على ما كنا عليه فى رمضان
والا نقتصر فى فعل الطاعات على شهر رمضان فقط لاننا كما قلتى لانعلم هل سياتى علينا رمضان اخر ام لا
فاهم شئ هو المداومة والاستمرارية
وربنا يبارك فيكى يا الاء

» رمضان فى صور
» رمضان قاااااااااااااااااااااااا دم ~
» عاد رمضان
» افطرت فى رمضان
» رمضان السنه دى