الرئيسيةس .و .جبحـثالأعضاءالمجموعاتالتسجيلدخول
كل سنة وانتو طيبين يا احلى اعضاء ... فات على افتتاح المنتدى سنة كاملة ... سنة اعلن فيها اننا استطاعنا انجاز كثير من الاعمال .. وتفوقنا على انفسنا لنخرج هذا المنتدى العظيم بهذا الشكل .. فعلا يستحق ان يطلق عليه .. .:: مسلون بلا حدود ::. ( نرجو من الله .. ان يساعدنا لكى نكمل مسيرتنا نحو اعلاء كلمة الله ورسوله " صلى الله عليه وسلم ")

شاطر | 
 

 (( بردو ,,, هنضحك ))

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mahmoud Elhadedy
طالب رضى الله
طالب رضى الله
avatar

ذكر
عدد المساهمات : 82
المزاج : وما بكم من نعمة فمن الله

مُساهمةموضوع: (( بردو ,,, هنضحك ))   الجمعة 4 ديسمبر - 3:51



اللهم صل وسلم وبارك ÷ سيدنا محمد وآله



كل عام وانتم بخير ,, ودايما موجود فيكم بذرة حب الله ,, وحب الناس لله

قبــــــــــل اي حاجه عاوز أقول لكم إن الموضوع ده ليس من وحي خيالي

ولكنه حدث معي بالفعـــــــــل ,, حبيت انقله ليكو زي ماانا شوفته ,,, يارب يفيدكم






حبيت أنزل إسماعيليه . أعيّد ÷ حبايبي اللي هناك ,, واقعد معاهم يوم وارجع

الساعه 4 العصـــــــر كنت ÷ الكورنيش انا وصحابي كورنيش إسماعيليه

وقفت عليه انا وصحابي شويــــــه ,,, لقيت مجموعه من الأطفال × سن ال 15 سنه واقفين ÷ الكوبري

وبينطوا × البحر ,,, والجو برد ,, إستغربـــــت (( هما موش خايفين ,,, طيب موش سقعانين )) ؟؟

هههه كنت فوق الكوبري ,, نزلت تحت الكوبري حبيت اتفرج عليهم شويه ,,,نزلت السلالم

ووقفت قدامهم وهما ÷ الشط وقولت لهم هو ده عووم ده ؟ إنزل أوريكم العوم بجد

هزرت معاهم شويه لحد ماكاهم خرجوا من البحــــــــر .. وأول ماخرجو كان باين ÷ حد فيهم إنه هزيل أوي

وكتير مجروح × ضهره وكلهم كده الصراحه باين عليهم حالة فقر شديده لكن اللي مستغرب له

إنهم بيضحكو كتيرررر وحاسس بالسعاده جواهم ,,, سألتهم ,, إنتوا قرايب ؟؟

قالو لأ ,,, طيب صحاب ,, قالوا لأ ,,, إحنا أكتر من الإخوات

بدء واحد منهم يعدّلي صحابه ويعرفني عليهم

المصري من اسماعيليه ,,, وكيمو من القاهره ,,, وابو صلاح من الإسماعيليه ,,, وحسن من طنطا

قولت لهم انتو عافين بعض من فين ولا خارجين رحله

ضحكوا كلهم وقالوا ,,,,,,,,,,,,,,,,,,,,,, لا إحنا قالبين






لما عرفت كده ,, الصراحه حبيت أقعد معاهم شويه واسيب صحابي لأنهم صعبوا عليا جدا

قبل اي حاجه ,,,,, إديت كل واحد منهم كده قرش بسيط يصرف بيه نفسه

وكمان علشان يوافقوا ,, يقعدوا معايا ههههههه

انا هسرد ليكوا اللي حصل لكن هقسمه باب باب علشان الموضوع كبير

الباب الأول === قصة كل واحد منهم ,, وليه ساب أهله وهرب ؟؟

الباب الثاني=== ليه محاولش إنه يرجـــــع لأهله مره تانيه ؟؟؟ وإيه العائق اللي وقف قدامه ؟؟

الباب الثالث === إزاي بيعيشوا وهما كده من غير بيت ولا أهل بيناموا فين وبياكلوا إزاي ؟؟

الباب الرابع === من فين بيجيبوا الفلوس وبيصرفوا ÷ نفسهم إزاي ؟؟

الباب الخامس === إختبرت حبهم لبعــــــــض قد إيه ؟؟؟

الباب السادس === بيكرهوا إيه × الناس اللي حواليهم وليه بيكرهوهم

الباب السابع === موقف مـــــــر ÷ كــــــل واحد فيهم ,, عمره ماهينساه

الباب الثامن === حلم كــــــــــل واحد فيهم ؟؟

الباب التاســـــع === كان عــــــــرض وطلب

والباب العاشر والأخير ==== بعض الملاحظات ÷ حياتهم وحياتنا

__________________________________________________

إخترت أصغر واحد فيهم ==== كان كيمو من القاهره 12 سنه

إزيك ياكيمو ,, إحكي عن نفسك ياكيمو وإيه اللي خلاك تهرب من أهلك ؟؟
---





_ والله ياعمو انا ماهربت ,, انا أبويا وأمي ,, الله يرحمهم وقعت عليهم العماره وهما جواها

العماره وقعت بيهم ,, وعمي اللي خدني لما ماتوا ,,, أخدني علشان ياخد شقة سوزان مبارك

اللي هي ادتها لأهل اللي ماتوا ,, ولما أخدها راح عاش فيها هو وولاده ومراته ومدخلنيش فيها

وقالي انت هتعيش × القهوه بتاعتي ووو هو عنده قهوه كبيره بتاعته كان بياخدني يضربني هناك واانم ÷ البلاط

وماخودش فلوس ,,, ويضربني هو والراجل اللي هناك ,, لحد ماسيبتهم ومشيت قعدت أمشي وأمشي

وركبت القطر ده وده لحد ماقبلت صحابي اللي انت شايفهم دوووووول

___ قولتله : وإيه اللي مانعك ياكيمو ترجع ؟؟

قالي انا موش هرجع دلوقتي ياعمو ,,, انا هارجه لما أكبر واروح أطرده م الشقه هو وولاده دوول

زي ماطردني

___________________________________

بصيت للي جمبه ,, قولتله ,, وانت ياابو صلاح ايه اللي حصل معاك

صحابه كلهم عمالين يضحكوا ,, ويقولوا هو موش ابو صلاح دي بنت

قولت لهم إزاي ,,, ايه ياابو صلاح هما صحابك بيضحكو عليك ولا ايه ههههههههههههههه

قالي ,, قصدي قالت لي انا حكايتي كبيره ياعمو محمود

انا إسمي دينا صلاح ,,,, ولابسه لبس الولاد ده علطووول وحالقه شعري زيهم

انا أمي ,,, مشيها موش كويس ودايما كان ابويا يزعق لها ,,, وطلقها مرتين ,, ورجعها علشان انا واخواتي

انا ياعمو محمود عندي 16 سنه ,,, أمي سجنت أبويا × قضية مخدرات ,, وبعد كده طلقها

وهي اتجوزت راجل وحش أوي قليل الأدب سافل ,, كان كل يوم يخليها تنام مع واحد شكـــل

الراجل ده نام مع إخواتي البنات الكبار لأنهم ماكانوش محترمين ,, لكن انا ماوافقتش

لحد ماجه في يوم قال لأمي انا عاوز انام مع دينا ,,, قالت له هي عندك ,,, روحت مصوته في البيت

راح مكتفني من رجليا × السرير ,,,, وكتف إيديا ,,, وللأسف ياعمو محمود

خلفت منه عيّل ,,,, موتوه ليا ,,,,, وكل مااقول لحد مايهتمش علشان هما عارفين ان بيتنا بيت مش محترم

إخواتي الولاد كانوا دايما بيعملو كده معايا ومع إخواتي ,,,,, لحد ماهربت منهم وموش عاوزه أرجع تاني

ولما خرجت الشارع كان فيه ولاد عاوزين يغتصبوني تاني ,,,, لحد ماواحد ابن حلال راجل كبير أخدني بيته

وخلي ولاده البنات يخلوني آخد دش وبعد كده

لقيته جايب مقص وبيحلق لي ,,,, شعري ,,, ولبسني لبس ولاد قالي انتي اسمك ايه ؟

قولتله انا دينا صلاح , قالي انت اسمك من دلوقتي ابو صلاح علشان مايحصلش معاك تاني كده واداني فلوس

وقالي لو محتاجه حاجه ابئي عدي عليا .... بس انا بصراحه مابحبش أزعج حد وكفايه خدمته دي ليا

قلت لها والدموع كانت في عنيا :: طيب وياابو صلاح .... انتي موش ناويه ترجعي البيت يابنتي ؟؟

قالت لي لما ابويا يخرج م السجن وهاخد حقي منها والكلب اللي معاها

_________________________________________________________





والدموع كانت × عنيا ,,,,,,, و× عنيهم

سألت حســــــــن . من طنطا ,,,. ودموعي جوا عنيا بس حابسها وموش هنزلها طبعا قدامهم

ايه اللي خلاك تهرب ياحســــــــن من أهلك ؟؟

قالي ,, أبويا طلّق أمي وكل واحد فيهم إتجوز وموش عاوزني معاه

لحد ماجدتي أخدتني أعيش معاها ,,,, أول معروف عملته ,, إنها ,,,,,,,,,, خرجتني م المدرسه ياعمو محمود

قالتلي روح إشتغل ,,,, كانت بتشغلني عند واحد صاحب ورشه عربيات كان بيضربني كتير كتير

لحد مااتخنقت منه ومنها ,, وسيبتها ,,,, علشان كان كل يوم يعورني

وماتقوليش أرجع ليهم تاني ,,,,,, انا هنا مرتاااااااااااااح والحمد لله

______________________________________________________

هيما ,,,, اللي كان بيكلمني × الأول من الزقازيق

ايه اللي خلاك ياهيما تهرب

قالي بص ياعمو : انا بابا × الســـــــجن وماما الله يرحمها ماتت من زمان

عمتي هي اللي أخدتني بعد ما بابا اتسجن ,,,, بابا وصاها عليا لما دخل السجن

عمتي وحشه أوي أوي ,,, خرجتني م المدرســــه وكانت بتضربني علشان اروح اشتغل

وتجيب الأكل ,, تاكل هي وولادها ,,, وتربطني × السرير تخليني اتفرج عليهم من بعيد وانا جعان

تخليني انام برّه × السقعه ,,والبرد ياعمو ,, كانت تضربني علطول ولما اجوع وبطني توجعني واصرخ تفك الجنزير من رقبتي

وتديني لقمة ناشفه آكلها ,, لحد ماقولت لها انتي عاوه ايه ياعمتي واانا اعمله

قالت تشتغل وتديني الفلوس وكل يوم ÷ كده كنت بجوع أوي ياعمو

وراح معيط × حضني وهو بيتكلم ,,,, قولت له خلاص ياهيما وأخدته × حضني وبصراحه أول مره اكون × موقف

أكبر مني كده ,, موش عارف أعمل ايه غير إني إديته اللي فيه النصيب كده يساعد بيه نفسه

______________________________________________

عايشين إزاي ياولاد ؟؟؟ ,,, بتناموا فيــــــــــن ؟؟

قالولي والله في أي مكان فيه ارض فاضيه خرابه كده بنروح ننام فيها

او ÷ الطريق بس بعيد عن الحكومه ,,, وساعات × القطورات بنروح في المحطه وننام في القطر

___________________________________________

طيب وبتاكلوا إزااااي ؟؟؟؟؟

قالولي : مابندققش × الأكل ,, هايكون ايه غير فول وطعميه

من عند فلافل ,,, ده لما يكون الحال ماشيه الحمد لله

أما غير كده بنجيب عيش من الفرن وبناكله مع بعــــض

طيب حد بينام فيكو جعان .؟

قالوا ,,, كتييير كتير بس مافيش حد فينا مابيفطرش ,, بنصحي وبنسترزق وبناكل مع بعض × الفطار

____________________________________________________

بتجيبوا منين الفلوس دي ؟؟

قالوا : صدقنا ياعم محمود احنا مابنسرقش ,,, بنعمل اللي أحسن م السرقه

بنمسح ,,,,,, (( عربيات يعني )) وابو صلاح (( دينا يعني )) بيلف بمناديل

,,,, ______________________________________________






بتكرهوا ايه × الناس اللي حواليكو ؟؟

قالوا ,,, لما مايحسوش بينا ,,,, عارف ,, إحنا لما نروح ونطلب فلوس من واحد ... بنشوفه الأول

وبنكون شايفين معاه فلوس كتيره وبيكون غني ,,,, بنكره بئه

اللي نطلب منه يقول يالا يابني انت وهو ,,, مابندعيش عليه أبدا

لكن بنقول حسبي الله ونعم الوكيل

____________________________________________________

إيه الموقف اللي عدّا عليكوا ,, عمركوا ماهاتنسوه

قالوا ,, يوم ماجه شباب كبار قدك كده ياعمو ضربونا وخدوا مننا أبو صلاح وإغتصبوه قدامنا

وهيما قال ,,, يوم عمتي ماكانت ربطاني من رقبتي بحبل × البوابه

الحكومه بنخاف منها كتير بياخدونا وبيضربونا × القســــــــم

وفيه ناس أكبر مننا بياخدوا اي فلوس معانا

وانا بكلمهم ,, لقيت واحد جايب زجاجه بيبسشي وبيشرب كل واحد فيهم شربه علشان كله يشربها

كان أخدها من واحد ماشي × الشارع

وجاب سيجاره ,, وشربوها مع بعــــــــــــض

بصراحه كتير مشاعري انهارت قدام الموقف ده ,, وقولت بصوت عالي ؟؟

لا اله الا الله

سألتهم انتو كلكو بتحبوا بعض ؟أوي كده ؟

قالولي احنا كلنا إخوات وأحسن كمان

وأبو صلاح (( دينا )) قالي عارف ياعمو محمود ,, وهي بتشاور علي جنيه

قالت لي ده بيروح ,, لكن الحب ,,,,, عمره مايرووح






بتحلموا بإيه ياولاد ؟؟؟

اللي قالي ,, ان ابويا يطلع م السجن وياخدني البيت وأعيش معاه واجيب صحابي دول

وواحد قال ,, إني أرجع المدرسه تاني

وهيما قال ,,, انا عاوز أفتــــــح كشك صغير كده وابيع فيه كله حاااجه كل حاجه

واسترزق منه انا وصحابي

وواحد قالي انا عاوز افضل عايش من غير مااتعب خالص خالص وافضل علطول حتي ولو هفضل × الشارع

______________________________________

عرض وطلــــــــــــــــب

تحبوا تروحوا لأهلكو ؟؟؟ وانا ارجعكوا لأهلكو بنفسي واوصي عليكو وازوركم هناك ؟؟

قالوا ,,,,,,,,,, لأ ,, إبعدنا

قولت لهم تاني طيب تحبوا تروحوا مؤسسه ايتام وانا أوديكو بنفسي

قالوا بردو لأ ,,,,,,, إحنا هانفضل كده وعمرنا ماهنفترق

________________________________________________

لقيتهم عمالين يلعبوا ويجروا وري بعض ويضحكوا ويجروا ÷ الطريق

قدام العربيات

قولت اسيبهم بئه ,,,, بس قبل ماأودعهم حبيت أوصيهم بشويه حاجات

بالصلاة ,,,,, والأخلاق ,,,, وحبهم وإخلاصهم لبعض ,,, وانهم يقولوا لا للحرام

ويفكروا ,,,, لو حبوا يرجعوا بيتهم او اي مؤسسه كذا حد هيساعدهم

دعيت ليهم ,,, ودعولي ,,,, وودعنا بعـــــــــــــــض

____________________________________

ملاحظاتي ,,,, ÷ حياتهم

زي مااتغرس فيهم حاجات وحشه أوي ,, إتغرس فيهم حاجات تانيه جميله

عرفوا الدنيا صــــح ,,, وأتغرس فيهم حبهم وإخلاصهم لبعض

ياريت كل الناس بيحبوا بعــــــــض كده ,,, مكانش حصل لهم من الأول كده


الإبتسامه مابتفارقهومش

علطول يبتسموا ,,,, مع إن ظروفهم اصعب مليوووووون مره من ظروف أي حد فيكم

بصراحه يعني ,,,, إتبين لي ,, إننا بجد ساعات كتيره بنتدلع × أوقات محنتنا


مشاكلهم ,,, للأسف مترتب عليها مشاكل أكبر منهم بكتير وسبقاهم بكتيررر

العيب موش فيهم ,,, العيب × ناس كانت سبب × اللي هما فيه

ومن هنا بحذركوا ,,, وبترجاكوا ,, حسنوا معاملاتكو مع الناس كلّها

علشان صدقني لما بتعمل حاجه بتأثر وبتصب × كذا إتجاه حتي لو انت موش واخد بالك

وأخيرا ,, وليس آخرا

بحبكم × الله




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/group.php?gid=94039295809
Fofa Mohamed
مشرفه الساحه الحره
avatar

انثى
عدد المساهمات : 1254
المزاج : الحمد لله رب العالمين

مُساهمةموضوع: رد: (( بردو ,,, هنضحك ))   الجمعة 4 ديسمبر - 4:15

جزاك الله خيرا على الموضوع الرائع والمتميز والمؤثر واللى خلانى بكيت من قلبى على حالهم ربنا بفك محنتهم ويعوضهم خير عن كل الالام اللى مروا بيها هم وكل الاطفال اللى بتمر بنفس الظروف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nona
كبير مشرفين
avatar

انثى
عدد المساهمات : 3204

مُساهمةموضوع: رد: (( بردو ,,, هنضحك ))   الجمعة 4 ديسمبر - 7:11

جزاك الله خير على الموضوع المؤلم جدا اللى بيخلى الواحد ميمسكش نفسه ويعيط
وبجد حسبى الله ونعم الوكيل فى اهلهم هو فى ناس قلبها جامد كده سايبه عيالها فى الشارع
حسبى الله ونعم الوكيل وربنا معاهم يارب


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
(( بردو ,,, هنضحك ))
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مســـلمون بـــلا حــدود  :: المنتدى الاسلامى :: ساحه التنميه بالايمان-
انتقل الى: