Mahmoud Elhadedy
طالب رضى الله
عدد المساهمات : 82
المزاج : وما بكم من نعمة فمن الله
 |  موضوع: فاكر ,,,, ولا ناسي ؟؟؟؟  الأحد 22 نوفمبر - 2:14 | |
|
اللهم صل وسلم وبارك علي سيدنا محمد وآله
سلام عليكم ورحمة الله وبركاته
حبايبي ,,,,,,,,, إيه أخباركوا
حاولت أكتب ليكم حاجه مختلفه جداااا جدااا عن كل مره
عاوز جوارحكوا هي اللي تنطق ,,, عاوز عنيكو ترجع لحكايات وأماكن
معلّمه جوا قلبكو ,, عاوز عنيكو تتجسس ÷ ماضيكوا
وتحسس علي كل علامات بارزه × قلبك
حبيت أفكر في فكره تعيشكم حاله شجن ,,, ووحده ,, وخلوه ,,, وفرحه ووراها دمعه
دمعة فرحه ,, مع دمعه فرقه ,, مع صرخه من لسان انقطع من مرور الزمن عليه وكل يوم بينسي صحبه وعشره كانت بين ايديه
ذكريااااااااااااااااات
هاتمسك معانا خيط ضعيف ,, ضعيف أوي ,,,, وهنقويه مع بعـــــض
خيط عدا عليه فتره كبيرهعليا وعليــــــــــكم
خيط خلاص إنقطـــع ... وبيطلع نفسه الأخير ,, عاوزك تتمسك بيه
عاوزك تقويه ,,, بإيديك وتربطه بخيوط ذكرياتك
عاوزكم تعيشو تحت قوس قزح كبيييير وكل حد ينام تحت اللون اللي بيحبه
... عاوزكم تشمو ريحه جميله أوي وانتو تحتيه
ريحة حضن ,, ريحه انسان غالي ,, جايز اتوفي ,, وجايز لسه عايش ,, وجايز اتوفي بالنسبه لك وهو لسه عايش
عشان جه الوقت اللي تنفصلوا فيــــه عن بعض
هاتفتكر معانا ,,,, أيام موش هاتتعوض ايام دفي وايام حنان
ايام ماكونتش فيها شايل هم .. ولا انتي لسه بتفكري وتاعبه تفكيرك زي دلوقتي
بجواز ,, او بتجهيز نفســـــــك ,, ومشاكل البيت
شامم زيي دلوقتي ,,, ريحة مطر ... ومبهدلاك وانت واقف تحتيها ؟؟؟
طيب سامع صوت شجره وهي بتهز أوراقها ,, هي تقريبا إتقطعت دلوقتي للأسف بس فاكر مكانها
فكره بسيطه
ايه هي ,,, ايه هي ؟؟
كلنا مرينا بمرحله طفوله واحنا اقل لسه من 10 سنين
يعني في مرحله إبتدائي
قول لنا موقف لسه معلق معاك ... لسه فاكره أوي
قول لنا عن يوم عمرك ماهتنسااااااااااااه وانت صغير
قول لنا علي شخص معلم فيك وفي قلبك وانت طفل
قول لنا علي موقف إتعلمت منه حاجه ولسه مأثر فيك لحد دلوقتي وبجد خلاك انت انت دلوقتي
إن شاء الله انت هاتحتفظ بالنوت دي كتير ,,, عارف ليه ؟؟؟
علشان هو ده ماضيك .. بسرده ليك قدام عنيك ,,,هتضحك ,وتضعف ,وتدمع, لو حسيت ماضيك دلوقتي بين إيديك
ده ماضيك واللي مالوش ماضي وماتعلمش منه ملوش حاضر وبيفضل إنسان مغمووور وبيكون مجهوول الهويه
إكتب بسرعه وفكرنا بكل أيامك الجميله انت دلوقتي في مرحله جميله أوي
انت دلوقتي ,, عندك 10 سنين او أقل بس موش أكبر من كده  ههه ها هاتعمل ايه وشايف ايه ؟؟
فكرنا وفكر نفسك بأيامك الدافيه
بحبكم × الله
بحبكم × الله
| |
|
nona
كبير مشرفين
عدد المساهمات : 3204
| |
Mahmoud Elhadedy
طالب رضى الله
عدد المساهمات : 82
المزاج : وما بكم من نعمة فمن الله
| | موضوع: رد: فاكر ,,,, ولا ناسي ؟؟؟؟ الإثنين 23 نوفمبر - 5:37 | |
| ههههههههههههه
ماشاء الله ماشاء الله
ههه ÷ فكره إنا لســه بسمع كل الحاجات اللي حاطط لكو صورتها دي
بس خلوها × سركوا وماتقولوش لحـــــــــــد
___________________________________________
هههه اما عن نفسي به
والله انا فاكر جدي الله يرحمة .. كنت وانا في ابتدائي قبل مااروح المدرسه ياخدني آخد دش الصبح ويدخل معايا ههه
بعديها يوديني ع المدرسه ولازم يجيبلي شيكولاته وحاجه سقعه
ويقولي ماتقولش لماما وبعد كده يرجع ياخدني بس لازم يضربني ويزعق لي وعلي كده كل يوم يجيب لي شيكولاته وبيبسي الصبح ويضربني اخر النهار علشان كنت بقوله عاوز ماما يضربني هههههه مش عارف بيضربني ليه ؟؟ جايز علشان الفلوس اللي كان بيدفعها دي ههههههههه
الله يرحمه وحشني أوي اللهم ارحم أمواتنا وأموات المسلمين | |
|
