الرئيسيةس .و .جبحـثالأعضاءالمجموعاتالتسجيلدخول
كل سنة وانتو طيبين يا احلى اعضاء ... فات على افتتاح المنتدى سنة كاملة ... سنة اعلن فيها اننا استطاعنا انجاز كثير من الاعمال .. وتفوقنا على انفسنا لنخرج هذا المنتدى العظيم بهذا الشكل .. فعلا يستحق ان يطلق عليه .. .:: مسلون بلا حدود ::. ( نرجو من الله .. ان يساعدنا لكى نكمل مسيرتنا نحو اعلاء كلمة الله ورسوله " صلى الله عليه وسلم ")

شاطر | 
 

 كان يامكان ,, كان فيه إنسان اسمه محمود الحديدي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mahmoud Elhadedy
طالب رضى الله
طالب رضى الله
avatar

ذكر
عدد المساهمات : 82
المزاج : وما بكم من نعمة فمن الله

مُساهمةموضوع: كان يامكان ,, كان فيه إنسان اسمه محمود الحديدي   الجمعة 20 نوفمبر - 2:32




اللهم صل وسلم وبارك علي سيدنا محمد وآله

إتولدت يوم جمعه ,,,, كانت الساعه 7 الصبح

كان يوم 25 \ 10 \ 1987

حسبتها مع نفسي النهارده بالورقه والقلم

عارفين استنتجت إيه ؟؟؟









عدّا عليا 22 سنه .... زي أي حد بتعدّي عليه سنين عُمره وهو موش حاسس

ولا مقدر المشكله اللي هوا فيها

مشكلة إيه ؟.؟؟؟؟؟؟

هه ااااه هو انت موش عارف ؟؟؟

لا دي بسيطه ,,,, الحكاية وما فيها إن عمرك عمال بينقص ,, وذنوبك عماله تذيد


مشكلتك ياسيدي إن العداد شغال ومابيبطّلش .. مشكلتك .إن كفائات جسمك بتقل وبتٌستهلك

والمشكله الكبيره بئه ؟؟؟؟


لو إنت لسه ماحققتش هدفك


والمشكله الأكبر والأكبر ؟؟؟ لو انت عايش اساساً من غير هدف

مشكلتك ؟؟ إن انت كل مايمٌر عليك ثانيه احوالك بتتغير

من حد ,,, لازم اللي حواليك يهتموا بيه

لحد تاني خالص ,, بئه مسؤول عن اللي حواليه وعن نفسه وكمان عن تصرفاته

ياتري انا فرحااان ؟؟؟






عدّا عليا 22 سنه .. ولسه حاجات كتيره زي ماهي مابتتغيرش

موش هنكر إن فيه حاجات كتيره أوي إتغيرت .. لكن بردو

موش هو التغيير المنشود اللي انا حلمت بيه


لسه ,,,, التخلف موجود × مصر

لسه الديكتاتوريه ,,, موجوده × مصر

لسه فيه حرمان من أهدافنا وحبس طاقاتنا

ياتري انا فرحااان ؟؟؟
_______ _____________





عدّا عليا 22 سنه والشمس عماله تغيب حوالينا

حتي لو مابتغيبش ... لكن نورها عمال يقل أكتر وأكتر كل يوم والتاني


وفيه سحابه واقفه عليها وموش شايفين غير غضبها

ياتري انا فرحااان ؟؟؟
_______________________


عدّا عليا 22 سنه

وريحة المطر للأسف إتغيرت

كنت بشمها وانا صغير حاجه غير كده خالص

فيها صفاء ,, ونقاء .. للأسف مبقتش هيا هيا نفس الريحه

النفوس إتغيرت ,, والرجول اللي بتدوس عليها إتلوثت

من ظلمنا وجبروتنا

ياتري انا فرحااان ؟؟؟

_____________________________





عدّا عليا 22 سنه

ومبقتش قادر أعمل كل حاجه ,,, كنت بعملها وانا صغير

محرووووووووم دلوقتي


ايوه محروم .. من طفولتي .. نفسي أجري مع العيال

أجري زي زمان ومعايا بلونه كبيره وعجله صغيره

وآخد مصروفي من كل قرايبي واترمي × حضن جدو الله يرحمه


محروووم طبعا

محروم من حلم المستقبل اللي كنت بحلم بيه

خلاص معادش حلم .. لأنه بئه حقيقه ,, عايشها دلوقتي

مثلا كنت بحلم أدخل جامعه ,,, وأديني دخلتها خلاص وعيشت فيها كمان


كنت بحلم أكون محمود الحديدي ولما وصلت للي انا فيه دلوقتي

بدئت اسأم م الحلم ده

وعاوز أحلم غيره

ياتري انا فرحااان ؟؟؟
________________________





عدّا عليا 22 سنه

اه فرحان ,,, إني كل يوم بحقق خطوه ,, نفسي فيها من زمان

بس بجد الفرحه دي مؤلمة


مؤلمه ؟؟؟


ايوه ... مؤلمة .. عارف ليه ؟؟ علشان شويه اطلع خطوه واطلع سلّمه

وشويه اقع من ÷ السلمه دي

وارجع كذا خطوه ...... وشويه ؟؟؟؟

حد يشدني قوي مندراعي وياخد بإيديا قوي لسلمه فوووووووووق فووووووق

وافضل معاااه وحاسس اني حد كبير قوي قوي

وشويه اقع تاااني ياتري انا فرحااان ؟؟؟

___________________________


عدّا عليا 22 سنه

والبلد لسه زي ماهي ,,, مابتتصلحش

موش قصدي صلاح إنها تتعمر ويزيد فيها ويكتر كل شئ

محلات ,, ومولات ,,, ومطاعم ,,, وزحمة سكان


لالالالا انا عاوز صلاح بجد

موش هقول صلاح اسلامي,,,, لأنه من عاشر المستحيلات

لكن نفسي نفوس الناس تتصلح بجد


ياتري انا فرحان

____________________________






عدّا عليا 22 سنه

وبدأت أفهم حاجات كتيره أوي ,, ياريتني مافهمتها

ناس بجد كان نفسي اكون زييّها

ولما كبرت ,,, وفهمت ,,, حسيت اني لو قربت منهم ؟؟؟

هيلوثوني

فهمت حاجات كانت مستخبيه وعرفت ناس ÷ حقيقتها وياريتني مافهمت

فهمت ,,, كرهت ,, بعدت ,,, حبيت أقرب ؟؟؟

اتلوثت..... ياريتني ماعرفت

______________________________







عدّا عليا 22 سنه

اتثقفت ,, واتطورت

ولما اتطورت فقدت حاجات كتيره أوي كانت مصاحباني × حياتي أوي

ومن ايام الطفوله

وكان نفسي ابقي عليها ,,, لكن غصب عني


اتطورت وماينفعش اني ارجع للي كنت فيه

كبرت وحلمي لسّه × ربعه

وأحلامي ,,,, عمّاله تتطور ,, وموش عاوز اشبع أحلام

خايف أفضل أحلم


و × نفس الوقت لازم كل يوم أحلم


بس مانساش ربنا

اللي بقى كل حد عمال يألف فيه و× دينه

ياتري أنا فرحان ؟؟؟؟

____________________________




كلنا عارفين ان الإنسان بياخد من ماضيه

علشان يعيش الحاضر بتاعه ,, وبياخد من الحاضر ,, علشان يشكل مستقبله

فالحاضر بيتحول ماضي ,, والمستقبل بيتحول لحاضر

وعشان تبئه انسان إجتماعي بجد

لازم تستفاد من الزمن الإجتماعي

وإيه هو الزمن الإجتماعي ؟؟؟

موش عدد السنين

بالعكس

ده هو عدد الخبرات والأفعال .. والأحداث ,, الي تمت فيه



كل سنه وانتو طيبين


هههههههههههههههه

ياتري حد فرحان ؟؟؟؟؟؟



بحبكم ××× الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/group.php?gid=94039295809
nona
كبير مشرفين
avatar

انثى
عدد المساهمات : 3204

مُساهمةموضوع: رد: كان يامكان ,, كان فيه إنسان اسمه محمود الحديدي   الجمعة 20 نوفمبر - 8:32

كل سنه وانت طيب
وحلو الموضوع قوى
زى ما عودتنا على مواضيعك الجميله


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو عمر
مشرف القسم الاجتماعى والاخلاقى
avatar

ذكر
عدد المساهمات : 304
المزاج : الحمد لله دائمآ

مُساهمةموضوع: رد: كان يامكان ,, كان فيه إنسان اسمه محمود الحديدي   الجمعة 20 نوفمبر - 15:40

كل عام وأنت إلى الله أقرب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Fofa Mohamed
مشرفه الساحه الحره
avatar

انثى
عدد المساهمات : 1254
المزاج : الحمد لله رب العالمين

مُساهمةموضوع: رد: كان يامكان ,, كان فيه إنسان اسمه محمود الحديدي   السبت 21 نوفمبر - 1:23

كل سنه وانت طيب وجزاك الله خيرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كان يامكان ,, كان فيه إنسان اسمه محمود الحديدي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مســـلمون بـــلا حــدود  :: المنتدى الاسلامى :: ساحه التنميه بالايمان-
انتقل الى: