الرئيسيةس .و .جبحـثالأعضاءالمجموعاتالتسجيلدخول
كل سنة وانتو طيبين يا احلى اعضاء ... فات على افتتاح المنتدى سنة كاملة ... سنة اعلن فيها اننا استطاعنا انجاز كثير من الاعمال .. وتفوقنا على انفسنا لنخرج هذا المنتدى العظيم بهذا الشكل .. فعلا يستحق ان يطلق عليه .. .:: مسلون بلا حدود ::. ( نرجو من الله .. ان يساعدنا لكى نكمل مسيرتنا نحو اعلاء كلمة الله ورسوله " صلى الله عليه وسلم ")

شاطر | 
 

 تيجي ,,,, نتخيّل ؟؟

استعرض الموضوع السابق استعرض الموضوع التالي اذهب الى الأسفل 

آخرحاجه فتحتها ÷ جهازك كانت إيه ؟؟
اغنيه ,, كده علي قد الحال
17%
 17% [ 1 ]
مسرحيه خلينا نضحك يااخي كفايانا غــم
0%
 0% [ 0 ]
فيلم إينجليش بس ايه لسه مانزلش السوق
0%
 0% [ 0 ]
قرآن طبعاً
0%
 0% [ 0 ]
شوية العاب كده تفرح العيال
17%
 17% [ 1 ]
خطبة مؤثره
50%
 50% [ 3 ]
فتحت ااا ,موش هقول ,, وربنا يتوب عليا
16%
 16% [ 1 ]
مجموع عدد الأصوات : 6
 

كاتب الموضوعرسالة
Mahmoud Elhadedy
طالب رضى الله
طالب رضى الله
avatar

ذكر
عدد المساهمات : 82
المزاج : وما بكم من نعمة فمن الله

مُساهمةموضوع: تيجي ,,,, نتخيّل ؟؟   السبت 17 أكتوبر - 2:10

[]
Arrow

اللهم صل وسلم وبارك علي سيدنا محمد وآله

حبايبي ... ايه رأيكوا نقرأ الموضوع .. و× نفس الوقت نغمض عنينا

نغمض عنينا ؟؟؟

ايوه علشان عاوزين نتخيل

موضوع غريب شوية أنا عارف .. وكمان ممكن يتحس صعب .. بس بجد هو سهل

صعب فى معانيه .. سهل إنك بتكتب من قلبك
عايزين نتخيل شويه ..



تخيل كده إنك كنت بره البيت .. ولما دخلت البيت وغيرت لبسك وشغلت الكمبيوتر وقعدت
عمال تفكر تعمل ايه تعمل ايه ...تعمل ايــــه ؟؟؟
العب ( زهقت من الالعاب ) .. أفتح الماسنجر ( إتخنقت من الناس اللى كل يوم أكلمهم )
المهم .. فتحت صفحة نت قلت أهو أشوف أخبار الدنيا ..
طبعا أنت مشغلتش حاجه على الكمبيوتر .. فقلت لما أشغل أغنيه ولا أتنين

طبعا بدأ ملك الشمال ( عتيد ) يعد عليك .. وبعدين وانت بتتصفح لقيت صورة كده ربنا يعلم باللى فيها
بدأ الشيطان يشتغل طبعا .. أغانى حلوه وسيادتك فى الغرفه لوحدك
( حلوه الغرفه دى )
المهم .. دون تفصيل وكل واحد يفهم بقى .. بدأت فى المعاصى أى كان نوعها

كل اللى فات طبعا مش فيه أى تخيل .. ده طبيعى جدا وده الغالب للاسف ( إلا من رحم ربى )

جينا بقى لمرحلة التخيل

خلينا نظلمك ونقول انك هاتتفرجك على حاجه سيئة ومش هاتكلم على الاغانى
( طبعا مش معناه إنها مش سيئة ..
بس خلاص عمت بها البلوه ومفيش حد للأسف هاينكرها عليك )

هانتخيل حاجه من اللى انت تتكسف الناس تشوفك عليها ... تخيل وعيش حياتك

إنت طبعا مش لوحدك .. ومتخافش مش هاقولك ربنا شايفك ومطلع عليك وعالم باللى فى قلبك ولا كل ده دلوقتى

أنا بس عايز تتخيل شكلك .. قدام الملكين الموكلين بيك
عايزك تتخيل هما حاسين أيه ناحيتك ؟ تخيل كده !!!! ؟

طب أقولك .. تخيل ملك اليمين رقيب حاله إيه وهو شايف عتيد بس اللى بيعد
وهو بيتحسر .. مش بس عليك .. لكن على إنك مغرور بربك الكريم
وبتنتهك حرمته .. عز وجل

تخيل وهو مش عارف يكتبلك حسنه .. صعب أوى صح ؟؟

نعدى المرحلة دى .. ونتخيل كده
إن الملائكة مش بس رقيب وعتيد .. يعرفوا حالك .. ويشوفوك على الحال ده

مش إنت بتقول ..لو علم الناس قبيح سريرتى لأبى السلام عليا من يلقانى

طيب تتخيل الملائكه بقى .. لما تشوفك هل ممكن تستغفرلك ؟ .. تدعيلك ..؟؟
طب يدعيلك إزاى .. إذا كان هما لما يشوفوك بنتهتك حرمة الله يكرهوك .. دا أنت بتنتهك حرمة حبيبهم
أيوه حبيبهم .. حب بجد .. مش حب زى بتاعنا .. حب بعمل وبطاعه .. مش حب بالسان ولا تصدقه الجوارح

ياعم بلالالالالالالالالاش كل الملائكه ..

لما حبيبك يشوفك على معصيه يبكى عشانك ويحزن عليك
إنما لما عدوك يشوفك على معصيه .. يااااااااه على فرحته

تخيل الشيطان لما أنت تبدأ تنتهك حرمة الله وتعصى ولم تستحى .. تخيل قمة فرحه وسعادته ؟؟
إنت عارف ليه هو فرحان أوى كده وسعادته بالغه ؟؟

إستنى هارد عليك بعد التخيل الجاى .... أهم تخيل

تخيل المولى عز وجل .. وهو مطلع عليك .. يأخى بقى مكسوف الناس تعرف اللى بتعمله .. فيأبوا السلام عليك

ويحك ثم ويحك ثم ويحك

المولى مطلع عليك يراك .. ويرى قلبك .. ويرى نجواك مع المعصيه .. يراك تنتهك حرمته
آآآآه لو تخيلت .. لأنقضى أجلك

كلنا عارفين لما المولى عز وجل .. شرع فى خلقك .. قال له الملائكه ؟؟؟؟
( أيوه اللى كلنا عارفينها ) .. قالوا أتجعل فيها من يفسد فيها ويسفك الدماء ...

إنت متخيل إنك باللى بتعمله ده بتفسد فى الأرض وبتعصى الأله ؟؟؟
مش هاتكلم فى دى أكتر من كده .. حسها إنت
حس إنت لما الله بعزته وجبروته .. يقول .. إنى جاعل فى الأرض خليفه ..
أيوه خليفه .. ربك يستخلفك وأنت تنتهك حرمته وتفسد فى الأرض
تؤيد كلام الملائكة .. وتغالط كلام ربك .. ويحك يا أبن آدم

طيب عارف لما ربنا خلقك .. الشيطان تحدى ربنا إنه يغيونا ؟؟؟ طبعا عارف
طيب متخيلتش إنك باللى بتعمله بتؤيد الشيطان ؟؟

أؤيد الشيطان ؟؟؟؟ .... آه ياعم بتؤيده وبتنفذ اللى هو قال عليه وتحدى بيه المولى عز وجل

بقى هو يتحدى ربك إنه هايغويك وإنت تستجيبله وتسيبه يغويك ؟؟
يا حسرة على العباد

معلش طولت عليكم .. بس إستحملونى فى تخيل أخير

تعرف الآيه اللى بتقول ... وَمَا مِنْ دَابَّةٍ فِي الأَرْضِ وَلا طَائِرٍ يَطِيرُ بِجَنَاحَيْهِ إِلا أُمَمٌ أَمْثَالُكُمْ

معلش بقى ما هو موضوع تخيل .. عارف إن الذباب والناموس اللى معاك فى الغرفة ده أمم مثلك ؟؟
تعرف إن لو فى نملة موجوده فهى دابة ولها أمة مثلك

إنت متخيل إن الطيور والدواب شايفين اللى انت بتعمله ؟؟؟
.. تخيل إن النملة تحتقرك لهذا الذنب ولهذا التهتك لحرمة الله ..
.. يـــــــاه ما أسوأه من إحساس ..

طب إنت متخيل .. يوم العرض على ربك ؟؟؟ مش هاكلمك فى اهوال يوم القيامة
ولو هاكلمك فى مدى العناء اللى هانشوفه .. ولا هاكلمك فى العرق ولا حر الشمس .. ولا طول الحساب
ولا ولا ولا ولا .. من كل اللى هايجى فى دماغك

أنا بس هاقولك غمض عينك وتخيل وانت معروض على ربك فردا .. وتُفضح على الملأ
مش هاتفضح قدام بيتك ولا شارعك ولا بلدك ولا وطنك ولا قارتك ولا أرضك
دا أنت هاتُفضح أمام الخلائق منذ خلق الأرض إلى يوم دكها ..

تخيل .. الناس اللى فى شارعك اللى كانوا بيقولوا عليك التقى المؤدب إبن الحلال .. يقولوا عليك إيه يومها ؟؟
تخيل .. صحبتك اللى كنتم مع بعض وكانوا بيقولوا ده أفضلنا .. يقولوا ايه لما يعرفوا إنك كنت أسوأهم ومنتهك لحرمة الله ؟؟
تخيل .. أهل بيتك .. إن كانت أمك ولا أختك ولا أبوك ولا أخوك .. ولا زوجتك ولا أولادك .. وأنت اللى كنت بتنصحهم وبترشدهم .. يلاقوك منتهك لحرمة الله .. ياااااااااه
تخيل .. الكفار لما يشوفوك ؟؟ تخيل اهل الأيمان لما يسمعوا فضايحك ؟؟ تخيل الصحابه تخيل الأنبياء .. تخيل حزن رسول الله عليك ؟؟
متخيل يعنى ايه هاتحزنه عليك .. تخيل بجد

تخيل .. تخيل .. تخيل
[/color][/color]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/group.php?gid=94039295809
زهرة المستقبل
مشرف منتدى الثانويه العامه
avatar

انثى
عدد المساهمات : 201
المزاج : الحمد الله

مُساهمةموضوع: رد: تيجي ,,,, نتخيّل ؟؟   السبت 17 أكتوبر - 3:20

احلي حاجة انك تتخيل اللي انت عايزة في الحياة علشان تقدر تحققه باذن الله مش تتخيله بس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زهرة المستقبل
مشرف منتدى الثانويه العامه
avatar

انثى
عدد المساهمات : 201
المزاج : الحمد الله

مُساهمةموضوع: رد: تيجي ,,,, نتخيّل ؟؟   السبت 17 أكتوبر - 3:22

و تتخيل بردوا يوم القيامة علشان تتعظ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nona
كبير مشرفين
avatar

انثى
عدد المساهمات : 3204

مُساهمةموضوع: رد: تيجي ,,,, نتخيّل ؟؟   السبت 17 أكتوبر - 3:46

ما شاء الله الموضوع رائع



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Fofa Mohamed
مشرفه الساحه الحره
avatar

انثى
عدد المساهمات : 1254
المزاج : الحمد لله رب العالمين

مُساهمةموضوع: رد: تيجي ,,,, نتخيّل ؟؟   السبت 17 أكتوبر - 6:19

جزاك الله خيرا على الموضوع الرائع ولو تخيل كل شخص الحاجات دى اكيد ها يحاول يبقى احسن استعدادا

للوقوف بين يدى الله عز وجل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
tarek Mekky
مشرف قسم الرقائق الايمانيه
avatar

ذكر
عدد المساهمات : 819
المزاج : طالب ارضى ربنا

مُساهمةموضوع: رد: تيجي ,,,, نتخيّل ؟؟   السبت 17 أكتوبر - 19:26

جزاك الله خيرا
اني احبك x الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دكتور....عمرو
المشرف العام
المشرف العام
avatar

ذكر
عدد المساهمات : 697
المزاج : الحمد لله على كل حال

مُساهمةموضوع: رد: تيجي ,,,, نتخيّل ؟؟   الجمعة 30 أكتوبر - 6:03

رائع
ذكرتنا بالله ....فاحسنت
وحذرتنا المعصيه....فاوجزت
وشوقتنا للجنه.....فانجزت

جمل الله قلمك
وحلى كلمات بالاخلاص
وزين قلبك باليقين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/profile.php?id=1719890586&ref=profile
elmohands..kimo
مشرف قسم ساعه لقلبك
avatar

ذكر
عدد المساهمات : 362
المزاج : رايق علشان بحبه

مُساهمةموضوع: رد: تيجي ,,,, نتخيّل ؟؟   الجمعة 30 أكتوبر - 17:24

ماشاء الله بعد كل الكلام الذى قيل لااجد كلاما معبرا عما احسه الان بعد قراءة الموضوع
يكفى ان اقول لك بحبك فى الله
وجزاك الله خيرا
المهندس كيمووووووووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mahmoud Elhadedy
طالب رضى الله
طالب رضى الله
avatar

ذكر
عدد المساهمات : 82
المزاج : وما بكم من نعمة فمن الله

مُساهمةموضوع: رد: تيجي ,,,, نتخيّل ؟؟   الخميس 5 نوفمبر - 5:45

الله يبارك ×كم ياشباب

جزاكم الله خيراااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/group.php?gid=94039295809
 
تيجي ,,,, نتخيّل ؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مســـلمون بـــلا حــدود  :: المنتدى الاسلامى :: ساحه التنميه بالايمان-
انتقل الى: