karim hossam مشرف قسم التعليم العالى
عدد المساهمات : 27 المزاج : الحمد لله رب العالمين
| موضوع: شوفتوا الموظف واحنا بنقلده الثلاثاء 16 فبراير - 3:48 | |
| كيف أحب ربى؟؟
من سلسله:قصه ومعنى!!
القصه التانيه ((قصه الموظف))
(((ا\صلاح موظف فى شركه كبيره وبياخد مرتب كبير نظام الشركه العمل من الساعه 9 صباحا الى 6 مساء وفى ساعتين راحه فى النص مدفوعتين الأجر وتقدم الشركه وجبه غداء وطبعا كأى عمل بيتطلب من ا\صلاح تخليص حد أدنى من العمل يوميا وحتى لا أطيل نسيت أقولكم ان ا\صلاح كسول ومشاغب فى كثير من الأحيان وفجأه خطر على بال صلاح فكره وفرح جدا جدا بالفكره عارفين الفكره ايه؟؟؟؟؟؟؟؟ قرر حاجه غريبه شويه قرر يروح الشركه فى ساعتين الراحه يتغدى ويقعد الساعتين الراحه يشرب شاى وقهوه ويتكلم ويهرج ويستخدم تليفون الشغل فى مكالمات خاصه وقال يبقى أخر الشهر يبقض ثمن الساعتين دول !!!!!!!!!!!!مش هما مدفوعين الاجر المهم طبعا كل اصحابه قالولوا ايه التهريج ده ازاى متشتغلش وعايز مرتب اخر الشهر قاعد يجادل ويقول ما هو الساعتين دول مدفوعين الاجر من غير شغل وادى عقد الشركه شوفوه لو مش مصدقنى يحاولوا يفهموه يا سيدى ماشى مدفوع الاجر بس للى يشتغل باقى الساعات ياخد دول عليهم مكفأه لكن مينفعش ابدا تاخدهم لوحدهم يقولهم هما مقالوش كده فى العقد يمين شمال مفيش فايده واضح انه مقتنع بحاجه محدش ممكن بقتنع بيها ومتأكد انه موظف كويس)))) ايه رأيكم ؟؟ ده كلام ناس عاقلين!!!!! قبل ما تجاوبوا تفتكروا أحنا أحيانا بنعمل زى صلاح فكروا كويس
طب بالراحه كده هو عمل ايه؟؟ كان مطلوب منه عمل معين ومقابل العمل ده بياخد وجبه الغدا وساعتين راحه مدفوعتين الأجر ومرتب شهرى كبير ..تمام طب هو عمل ايه....رفض العمل واستغنى عن المرتب ولكن كان عايز ياخد وقت الراحه ويستخدم تليفون العمل فى مكالمات شخصيه(مخالفات فى قانون العمل) وفى الاخر يقبض ثمن الساعتين وطبعا كلنا قلنا الكلام ده مينفعش ابدا طب شوفوا أحنا بنعمل ايه
ربنا حرم علينا أشياء (زى مخالفات قانون العمل فى القصه) وأمرنا بأشياء (وهى عملنا الذى خلقنا من أجله وهى طاعته وعبادته) ووعدنا مقابل طاعته بالثواب والأجر و أباح لنا أشياء (وهى المباحات من أكل وشرب وعمل وزواج وأصحاب ودراسه...و,,,,,و) ومن كرمه أعطنا على هذه الأشياء ثواب اذا استحضرنا النيه (أوقات راحه من العباده مدفوعه الاجر)
ولكن كثير منا زى قصه الموظف أكتفى بالمباحات مع بعض المحرمات ونسى مهمته الأساسيه وعمله الحقيقى( وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ ) واما تيجى تكلمه ياسيدى ربنا يكرمك الصلاه يقولك ياعم العمل برضه عباده والسعى على لقمه العيش كالجهاد فى سبيل الله أنت مسمعتش احاديث الرسول ولا أيه؟؟ تقوله سمعتها وعارفها بس فين الأساس الى أنت اتخلقت له أصلا يقولك ما أنا بعمر الأرض مش برضه ربنا خلق سيدنا أدم عشان يكون خليفه تقوله خلبفه يعبده مش يعصاه وينساه ويستمر الجدال زى القصه بالظبط وهو اختار ياخد اوقات الراحه مدفوعه الاجر ودلوقتى المفروض أن حياتنا مفهاش وقت مخصص للمعاصى لا أحنا لنا أوقات مخصصه للطاعه وأوقات للأمور المباحه طبعا ده مش معناه اننا مبنعصاش لأ أكيد بنعصى ولكن مش مع سبق الاصرار ..أحنا مش محددين للمعصيه وقت بس فى طريقنا ممكن نتكعبل فى معصيه فنستغفر طب بصوا كده؟؟؟؟؟ فى ناس عندها أوقات محدده للمعصيه (فى أوقات محدده للشات مع..وأوقات للسهر على الأفلام...وأوقات للخروج فى سهرات ...) والمباح طبعا باقى اليوم ...فين وقت الطاعه؟؟؟؟؟ الكويس منهم الطاعات بيقضيها بسرعه على مدار اليوم (فروض الصلاه كده على عجاله من غير تركيز) اما الأسوأ منهم معندوش وقت طاعه ..ومع كده حاسس انه كويس ياريت كلنا نبص كويس فى يومنا ونحدد 1_هل عندنا وقت محدد للمعصيه...مش عايزين لها وقت خليها اما تيجى تيجى غصب عنك 2_هل عندنا وقت محددد للطاعه....عايزين وقت محدد للطاعه بلاش تبقى قطرات فى السيل اليومى لمشاغل الدنيا
كنت دايما أقول لأخويا عشان قله مذاكرته...أنت بتذاكر فى وقت فراغك فياترى أحنا بنعبد ربنا (الى اتخلقنا أصلا عشان نعبده )فى وقت فراغنا سؤال يستحق الاجابه
منقووووول | |
|
nona كبير مشرفين
عدد المساهمات : 3204
| موضوع: رد: شوفتوا الموظف واحنا بنقلده الإثنين 22 مارس - 22:59 | |
| | |
|
doaa mekky مسلم ذهبى
عدد المساهمات : 458 المزاج : الف حمد وشكر لله
| موضوع: رد: شوفتوا الموظف واحنا بنقلده الثلاثاء 23 مارس - 5:56 | |
| | |
|